Sprichwörter in
Münsterländer Platt
Westfälischer Bauernkalender in Münsterländer Platt
Gedicht über Westfalen in Münsterländer Platt
Texte und Gedichte, von der Geburt bis zum Hausbau in Platt
Abzählreime in Münsterländer Plattdeutsch
Wiegenlieder in Münsterländer Mundart
Gästebuch
Links
Impressum
Datenschutz
Gedichte, Äußerungen und Texte in Hoch- und Plattdeutsch über das Plattdeutsch
In Platt üöwer dat Plattdüüsk
Wän´t in Westfaolen kine Walhiёgen un kien Plattdüütsk mäer giw, is´t schönste d´ruut!
Bischof: Johann Bernhard Brinkmann
De Plattdüütske Spraoke
Ji Kinner uut de Stadt holt ju an dat däftge Platt
De Spraoke vul Gemöötligkait
Draw nüms gaas kuёmen in Vogiätenheit
Dao is kine Magd un kinen Knecht
De nich dat Plattdüüsk is to slächt
Ferdinand Zumbrock
Mien Moderspraok
Mien Moderspraok, se schelt di "platt",
Wat för een schänig Waord is dat!
"Gemain un platt!" Un is doch wis
Dat kien äs du so aadlik is!
Vüör Düsse gaw et maol `ne Tiet
Se lig trüg so wiet, so wiet,
Dao wos du rächt de Häernspraok
Un küёninge küerden dine Spraok.
O Kind, so stolt un hauggebourn
Lang göng di Kraun un Thron völuorn.
Dien Süster säg, "Dat Riek is mien,
Un du kaas Askenputtel sien!"
Se reet di van dän Kop de Kräun
Un sat sik fast up dinen Thron.
Nu kaas du nich mäer Häerin spiёlen,
Un mod as Magd di kwiälen!
Nu stais bi´n Füer du stil un stum
Un prüёkels in de Aske rüm.
Un drägs dän Aadel doch in`t Bloot
Un auk dän Küёningsscho an Foot!
Un wän de, de up dän Thron nu sit,
Di mächtig auk harunerret:
Dien Aadel is di anbourn
Dien Aadel gait di nich völuorn.
Gottlieb Müller-Sudenburg
Plattdüütsk
Un wän se alle lacht mi uut,
Ik bliew an´t Plattdüütsch küern,
So däftig äs´t män wil haruut,
Un laot mi gar nich stüern.
Wän auk beromte Dichters singt,
De allerschöönsten Leeder,
Mi dücht, een plattdüütsk Waort auk kligt
Een Schiller is nich jerren.
Man häort jä gään de Nachtigall,
Män is de nich to Stiär,
Dän lüstert man met Fraiden aal,
Wat bookfinken vötellen.
Wel süüt nich gään ´ne Rause an,
Wel magkine Tulpen sain?
Män waorüm suёlt nich dao niäben dän,
Nich Sunnenbloomen blaien?
Ik frai mi, dat ik Plattdüütsk kan.
Lük spriäken un vöstaon,
Un wel´t nich mag, de laot vödoon
De laot to´n Kukuk gaon!
Eli Marcus
Dat olle Platt
Dat olle Platt dat häw et swaor
Platt küёrt ümmer wainiger
Doch gait`t üm de Gemöötligkait
is Platt mankst de Spraoke Nummer een.
Doch dao kan dat Platt nich van tiärn,
et müёt wier mäer Lüde Plattdüüsk läern!
Karl-Heinz Conermann
|
Mine Spraecke mi wol gefelt Keinr is in unsem Land, de nich vel van er helt. Mene gy, dat nine Spraeck darüm is nichtes wert, Dat gy se nicht verstahn? Gy schold se hebben lehrt So hed gy se gekont: my gefelt nu so myn Schnack. Ick spreke als myns Grotvaders older Möme sprack Wat kann man bringen her vör Argment und Gründe Darmit jemand van juw richtig bewisen kunde De Mening, dat van der Hochdütschen Sprake mehr Als von unser Nedderdüschen tho holden wehr?
Johann Laurenberg 1652 |
Meine Sprache mir sehr gefällt Keiner ist in unserem Land, der nicht viel von ihr hält Meint ihr das meine Sprache darum ist nichts wert Das ihr sie nicht versteht? Ihr solltet sie haben gelernt So hättet ihr sie gekonnt: mir gefällt nun so mein Reden Ich spreche als mein Großvaters alter Mutter sprach. Was kann man bringen hier für Argumente und Gründe Damit jemand von euch beweisen könnte Die Meinung, das von der Hochdeutschen Sprache mehr Als von unserer Niederdeutschen zu halten wär? |
Jede Volksmundart ist heimlich und sicher, aber auch unbeholfen und unedel,
Dem bequemen Hauskleid in welchem nicht ausgegangen wird ähnlich.
Im Grunde sträubt sich die schämige Mundart wider das rauschende Papier,
Wird aber etwas aufgeschrieben, so kann es durch treuherzige Unschuld gefallen.
Jakob Grimm, Geschichte der deutschen Sprache